როგორ მოვაწყოთ ეფექტური პრომო-აქცია მცირე ბიუჯეტით?

ბიზნესში ხშირად დგება მომენტი, როდესაც გაყიდვების მყისიერი ზრდაა აუცილებელი. მაგალითად, საიუბილეო თარიღი, შავი პარასკევი ან ოფისის გახსნა. ამ დროს საუკეთესოა პრომო-აქციები. ვინაიდან ყველა ბიზნესს არ აქვს საშუალება, რომ მთელი ქალაქი გადატვირთოს ბილბორდებით, პრომო-აქციები ეფექტური და ბიუჯეტური გამოსავალია.

მარკეტინგში ბევრი ფული ყოველთვის არ ნიშნავს გამარჯვებას, წარმატებას უმეტესად კრეატიული იდეები და ორიგინალურობა უზრუნველყოფს.

როგორ მივიქციოთ ყურადღება და გავზარდოთ გაყიდვები ბიუჯეტურად? Patio Art გთავაზობთ ორ ფიზიკურ ინსტრუმენტს, რომლებიც ნებისმიერ ღონისძიებას ხალხმრავალ დღესასწაულად აქცევს: გათამაშების დოლურებს და ბრენდირებული დროშებს.

1. 
   

   ბრენდირებული დროშები

სანამ მომხმარებელი თქვენს მაღაზიაში შემოვა, მან ჯერ უნდა შეგამჩნიოთ. ქუჩის ხმაურში და ვიზუალურ ქაოსში სტატიკური აბრა ხშირად შეუმჩნეველი რჩება. აქ გჭირდებათ დინამიკა.

ბრენდირებული დროშები (ე.წ. Feather Flags ან “წვეთები”) არის საუკეთესო გზა, რომ ეფექტური პრომო–აქცია ქუჩიდანვე დაიწყოთ.

• ფსიქოლოგიური ეფექტი: ადამიანის თვალი ევოლუციურად რეაგირებს მოძრაობაზე. ქარში მოფრიალე, კაშკაშა ფერის დროშა ინსტინქტურად იპყრობს მძღოლებისა და გამვლელების მზერას.
• სადღესასწაულო განწყობა: დროშები ასოცირდება ფესტივალებთან და ღონისძიებებთან. როცა ობიექტის წინ 3-4 დროშა დგას, ეს გამვლელს ეუბნება, რომ თქვენთა შემოსვლა ღირს და რაღაც განსხვავებული ხდება.
• მობილურობა:მათი მონტაჟი და გადაადგილება უმარტივესია.

2. 
   

   გათამაშების დოლურები: ჩართულობა და აზარტი

როცა მომხმარებელი უკვე შემოვიდა, მიზანი იცვლება — ახლა უნდა დააკავოთ ის და მიჰყიდოთ პროდუქტი. აქ შემოდის გეიმიფიკაცია (Gamification). HubSpot-ის მარკეტინგული კვლევების მიხედვით, ინტერაქციული კონტენტი და თამაშები 2-ჯერ მეტად ზრდის მომხმარებლის ჩართულობას, ვიდრე პასიური რეკლამა.

გამჭვირვალე გათამაშების დოლურები (ლოტოტრონი) არის უმარტივესი გზა, რომ ჩვეულებრივი შესყიდვა აზარტულ თამაშად აქციოთ.

• როგორ მუშაობს: „იყიდეთ 50 ლარის პროდუქცია და მიიღეთ გათამაშების ბილეთი“. მომხმარებელი თავისი ხელით აგდებს ბილეთს გამჭვირვალე დოლურაში და თავისი ხელითვე ატრიალებს მას.
• მონაცემთა ბაზა: გათამაშების ბილეთზე კლიენტი წერს სახელსა და ნომერს. ეს არის ოქროს საბადო! ეფექტური პრომო–აქცია არ სრულდება იმავე დღეს; თქვენ აგროვებთ ასობით რეალური კლიენტის კონტაქტს, რომლებსაც მომავალში SMS-ს გაუგზავნით.

სტრატეგია: როგორ დავგეგმოთ ყველაფერი?

წარმატებული აქციისთვის საჭიროა ამ ორი კომპონენტის სინთეზი. აი, მარტივი სცენარი მცირე ბიზნესისთვის:

1. გარე პერიმეტრი: შესასვლელთან განათავსეთ ორი დიდი ბრენდირებული დროშა წარწერით „SALE“ ან „გათამაშება“.
2. ინტერიერი:სალაროსთან დადგით ბრენდირებული, გამჭვირვალე გათამაშების დოლურა. შეავსეთ ის ფერადი ბურთულებით ან ქაღალდებით, რომ ვიზუალურად მიმზიდველი იყოს.
3. პრიზი:დააწესეთ სიმბოლური, მაგრამ სასურველი პრიზები (მაგ: სასაჩუქრე კალათა, უფასო მომსახურება).

Patio Art – თქვენი პარტნიორი დღესასწაულის მოწყობაში

ჩვენთან შეგიძლიათ შეუკვეთოთ ნებისმიერი ზომისა და ფორმის სარეკლამო ატრიბუტიკა. Patio Art-ის სერვისები მოიცავს როგორც მაღალი ხარისხის დროშების ბეჭდვას, ასევე გამძლე, ესთეტიკური დოლურების დამზადებას.

დაგეგმეთ თქვენი ეფექტური პრომო–აქცია დღესვე, შექმენით აზარტი და ნახავთ, როგორ გაიზრდება თქვენი გაყიდვები მარტივი, მაგრამ ჭკვიანური ფიზიკური რეკლამის დახმარებით.